› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年07月08日

【網絡紅人新進篇】大大與小妹 篤吓檸檬獲萬六Likes

86,391
建立時間 (HKT): 0708 23:59

之前兩集馬天佑跟大佬B的KOL天堂與地獄,不可思議的貼文價錢,對比太貪心差錯腳,太多資料永留網絡恨錯難返。不過都有人一心只想跟網友分享生活點滴,與世無爭,甜甜蜜蜜過日子。
《大大與小妹》的作者小妹,今年年頭才開始在Facebook及Instagram,畫自己跟男友大大的小漫畫。「小丸子」式簡單線條,半年時間 已吸引11萬9千個Instagram Followers ,同7萬多個FB Fans,Instagram上的 Follower比寸盡天下事Nothing Serious Facebook上的Like數更多。許多漫畫,除累積到15、16萬個Like,同時有過千個留言及分享,互動情況非常熱烈,這樣的成績比好多KOL都要搶眼。

我們在茶餐廳,食住早餐做訪問。大大是個高高青年人,小妹則唔夠150厘米高,嬌小比月亮。諗住只來陪坐的大大,默默為小妹的檸茶篤檸檬。呢個「淨係幫我篤檸檬」嘅動作,喺小妹約一個月前的漫畫「我要ge男朋友係……」就攞咗超過萬六個LIKES同1,908個分享與回應,簡直成了暖男基本功。二人無時無刻不互相取笑,如最近貼文的一句對白:「你屁股/肚腩這麼大成何體統。」情侶們極速鬥快互tag 爭住認,「我都係!我另一半都有個大肚腩」,快樂地躺著也中槍。寫稿之時貼文只出了四個鐘,就有萬三個like同九百多個留言及Tag。紅到有出版社請她於書展出書且賣精品。到底呢對傻瓜情侶魅力何在?我們電郵訪問了粉絲 CoCo,紅, 因為她講出許多拍拖中人對另一半的想像與期待:「好羨慕大大小妹可以咁sweet。我常tag給另一半看,希望讓他多個機會了解我的想法,而他看完都會笑笑,氹下我話下次會做好啲咁。」直頭封佢哋做偶像:「身為一個女讀者,吾多吾少當然會仰慕男神大大la!真的要替小妹開心!」

有人話佢哋營造咗理想情侶的形像。女朋友得意嬌嗲,錫住男友銀包,不亂要小禮物;男朋友又處處為女友設想,拿著電話冷戰,電話熱到耳仔都熱埋都不敢切線,怕女朋友發忟掟電話,處處逗她開心等。早陣子有脫毛公司找小妹幫手「畫下關於小妹脫毛既故事」。雖然都有四位數字報酬,但小妹以:「好似唔係好關情侶故事事。」為由推卻了:「如果係電影、咖啡廳、玩嘅地方,都仲可以為香港啲情侶介紹拍拖節目。激光脫毛真係唔係好關事,感覺怪怪咁,所以索性唔接了。」喂為凡人表達心聲,堅持自己認為適合的事,成為大家心中理想男女友的典範,仲要搵埋拍拖資訊俾大家,仲唔係真正的Key Opinion Leader( KOL)?

記者:陳慧敏
攝影:林栢鈞

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載