› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【新WAGs登場】
曼城仙氣女神殺晒 好彩曼聯都有...

10,807

新一季英超除咗簽入唔少球星,佢哋嘅另一半都為球迷帶嚟另類觀感;芸芸新Wags之中,曼城葡萄牙右翼貝拿度施華女友Alicia Verrando,憑住22歲青春無敵嘅身材,加上天使面孔,仲有有商學位呢個高學歷,堪稱英超Wages界嘅仙氣女神。

Alicia Verrando係一半法國一半葡萄牙混血兒,生於摩納哥,來頭都唔細,2015年喺美國加州大學國際商學院畢業,擅長流利法文、意大利文、英文,仲話識少少中文添。2016年去摩納哥球會做市場部intern,咁樣就俾新晉葡萄牙國腳貝拿度施華媾掂咗,唔知摩納哥其他隊友有冇葡萄佢呢?

雖然Alicia身高只係5呎4吋,唔算係長腿一族;不過勝在身材均勻,IG亦不時上載游水、瑜珈、做Gym相,同足球員男友貝拿度施華應該有共同話題。據報Alicia仲會跟施華搬去曼市,以佢嘅學歷,大把公司爭住請佢,不過男友仔踢曼城大把錢,唔使做都得啦。曼城另一位新兵、巴西門將艾達臣摩拉斯太太Lais Moraes,佢亦不單樣靚身材正,亦都係老公死忠,不時入場支持老公外,仲拍埋片放上youtube,真係老公天字第一號粉絲。

曼聯今季亦都不乏新兵,Wags風頭無理由俾曼城搶晒,瑞典中堅域陀連迪路夫嘅女友Maja Nilsson都唔錯,Maja喺瑞典做blogger,不時網上上載自己靚相,而且亦對男友百分百支持,好似男友代表瑞典、之前踢賓菲加,宜家效力曼聯,Maja都着過呢啲波衫。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載