› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2007年01月12日

梁家傑籌款不如買三 T

12,570

不知從何時開始,每日中環街頭都有籌款活動,除星期六有定期賣旗籌款之外,呢排見到唔少老人家街頭叫人買獎券,唔係話唔想做善事,之不過花多眼亂,一籌款團體名不見經傳(可能左丁山孤陋寡聞之故),中環人捐款未免有猶疑,態度唔見踴躍。
呢輪講籌款,民建聯就夠卡士,夠威風咯,一個晚會就籌到五百萬,真唔講得笑。其中拍賣籌款,唐司長捐一箱紅酒,底價五萬,梁振英以二十三萬元投得;梁愛詩捐出「明月天空」琉璃佛像,民建聯監委會副主席、牛仔褲大王楊釗以三十三萬元買入;肥龍捐出自己愛瑪仕領呔,底價一千,王賜豪醫生以八萬元投得,王醫生唔買八千條新呔而買一條肥龍舊呔,識 do到極。
自由黨領導階層個個有水,籌款不愁之外,其他政黨冇資格仿效民建聯。你估民主黨、公民黨、前線等搞籌款晚會,可以一晚捐到五百萬元咩,籌五十萬都艱難,起碼唐司長唔會捐出一箱名貴紅酒先啦。
公民黨為梁家傑參選行政長官,辦步行籌款活動,今個星期日(十四號)上午十時半起行,由山頂柯士甸山遊樂場行到薄扶林傷健協會薄扶林傷健營,沿途風景甚佳,步行一至一個半小時,可說心曠神怡,最住響山頂班晨運客參加。唔講得笑,山頂晨運客之中,有唔少億萬富豪,佢一人捐一萬,都有百幾萬啦。聽講梁家傑佢唔抱太大希望,今次籌款目標只係五十萬元,人民建聯一箱紅酒,一尊佛像,一條呔,已經籌得六十四萬,邊度使搵二三百人出步行呀!
其實一月十四日籌款,左丁山有條「以小博大」好橋,就係梁家傑可以搵五位大狀,每人捐一千,集資五千大元,搵黨內賽馬專家細心度一條三 T下注,今日有三 T多寶三千八百萬,一注獨中可能有五、六千萬,中話,公民黨就變成富貴黨,唔使再憂柴憂米。如果輸,唔見得有乜損失

左丁山
電郵 :
mcwriter@appledaily.com

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載