› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2005年05月02日

城市脈搏2︰齊齊投票電器攤位人氣最旺

陳先生︰我買 LCD電視,電視平最實際,個大電視送貨,我另外買多個細電視仔。

今日對版之圍港熱話 b
聽完師奶黨攻略,我不妨問場外出口處滿載而歸的買家。經過記者一輪追訪,發現大家對電器和家品最感興趣!雖然場內電器並非劈價發售,但因為款式新、有折頭,而且加送的贈品亦相當實用,重提供埋送貨服務,所以買家都是一致以家電為掃貨目標。此外,場內的燈飾及水機亦成為搶手貨。

人氣 No.1
樂聲款多乜都有

樂聲家品佔去家居博覽四個攤位,面積最大,多種不同類型的家品如雪櫃、電視及洗衣機,小巧如數碼相機,新穎如足部按摩機及吸氧氣機等乜都有。現場更設即時試玩,折扣因應不同產品各異,故此總是人流最多。
( Hall1攤位: G01-0611-16; H01-0611-16)

趙小姐:「今次我主力係睇電器產品,因為始終是新款式,而且價錢比街價平少少。我買電視同雪櫃,折扣件件都唔同,又有得送貨,另外重送埋個多用途攪拌器做贈品。」

人氣 No.2
Sharp電視最搶手

Sharp的產品雖然不及樂聲多款,但勝在全部迎合買家心水,主推 LCD電視、蒸氣焗爐及空氣淨化機。加上 Sales特別殷勤,只要你停留在該產品超過10秒,都會主動上前介紹,加埋豐富的贈品,所以圍觀的人流也不少。
( Hall2攤位: Q01)

何先生:「來家居博覽梗係買電視啦,有新款又夠大部又有折扣,一入場已經被佢吸引住,結果買部 LCD電視。」

人氣 No.3
PLC買一送二

位置近入口的 PLC燈飾,是同一展區中最搶眼的攤位,場內燈款超過60種,任何燈飾都是買一送二。連最平的燈售價 $699,都送埋兩盞合共 $600的房燈。原價 $95的德國慳電膽, $100/5個可謂買一送四。場內10款燈飾,門巿都未有供應,售價低至門巿三折。
( Hall1攤位: E01-06)

張先生:「我覺得家品裝飾最抵喎,水晶燈的贈品都係燈,很實用!因為一間屋點止裝一盞燈,夾番類似款式,才美觀。家咁興泰式家品,咕七折,所以亦買多幾個。」

人氣 No.4
做問卷送水機

好多人去鑽石能量水站流連,全因口渴飲杯水。但其實在家居博覽前三日推出的套餐已經好抵,五年期月供 $168,每年包一次換芯和驗水。在今日做問卷,更可以參加抽獎,獎品係價值 $6,180的水機。
( Hall2攤位: T01-06)

黃先生:「我有買電器,因為有八折。另外我買了德國浴室花灑,同埋訂鑽石能量水,因為水的含氧量高對人體好,所以我們全家做晒問卷等緊中大獎。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載