› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2012年02月01日

宅錄:鳥瞰觀賞 茶几裏的波兒

10,292

香港人住屋細細,唔係個個都可以養貓養狗,為咗增加生活情趣,好多人都會喺屋企選擇養魚,放咗工返屋企望住魚兒在魚缸中暢游,唔止幫你減壓,仲可以美化家居㖭!

記者:陳家蕊
攝影:蔡家輝
Model: Kazef& Ayany@ Pure Models

茶几×魚缸 水不揚波

我們對屋企魚缸的觀念根深柢固,覺得魚缸只可以放在屋企某角落,並只能從側面欣賞,而來自日本的 Bird's Eye Aquarium鳥瞰式魚缸則顛覆這種想法!「鳥瞰式」顧名思義是由上而下的觀魚方式,普通的魚缸如果由上往下看,只會看到濾水器和水波,以及燈光反射,根本無法清晰地看到魚及造景,而鳥瞰式魚缸就用了專利設計技術,將水和上方的玻璃緊貼在一起,中間完全沒有空氣,望下去的清晰度就跟打側看一樣,感覺就像坐浮潛船出海從腳下觀看海底世界!

閃縮設備藏枱底

魚缸茶几看似完全密封,唔見水泵同濾水器,點換水呢?啲魚又會唔會缺氧死㗎?其實這張魚缸茶几是多合一設計,所有水族箱設備全部收藏在內!玻璃下有一個與魚缸觀賞槽體積一樣大的過濾空間,水泵及整個電源拖板全部內置於茶几中,電線唔會外露,美觀又方便,養魚新手都唔使驚!而照明系統則使用了設置在觀賞槽的 LED燈,夠晒情調,帶埋另一半返屋企一邊飲紅酒,一邊睇魚,都咪話唔浪漫呀!

水面打邊爐

魚缸茶几一物二用啱晒香港細小的居住空間,不過魚缸當枱用,自不然會擔心玻璃爆裂問題,製造商長春山有限公司執行董事梁小姐就叫大家放心,桌面用上強化玻璃,除咗堅固仲防刮花,更曾經有客人表示在魚缸上打邊爐都冇問題!

靚缸睇真啲!

對於魚缸的選擇,水族世界有限公司經理奚小姐指最緊要看個人喜好,話雖如此,佢都介紹咗幾款設計較特別的魚缸畀大家。

無縫
無障礙賞魚

一般魚缸多以玻璃膠把四塊玻璃併合而成,而這個魚缸則由水晶玻璃整個燒成,完全無縫!

典雅
梯級式缸底

看似與一般魚缸無異,其特別之處在於底座採用雅典型梯級的設計,款式罕見。

曲面
放大鏡面屏

平時魚缸多是青白配搭,這款卻走黑色型格,前面玻璃弧度更呈流線型!

魚缸青苔攻防

水族世界有限公司的老闆黃生(左圖)話魚缸長青苔原因有三,第一是光線過強,第二是食剩魚糧留於水中或濾水器中,第三是太耐冇換水,三者都為促成青苔的微生物提供養份。徒手或清潔劑都不能完全清理青苔,因為即使肉眼看不見,其微生物可能仍然存在。除飼養蝦及金鬍子等清潔魚之外,做好過濾工夫亦有助解決青苔問題,更可減少細菌數量,魚都冇咁易病!要有靚水質就要從過濾設備着手啦!

淡水缸之選
(左起) ADA Nature Aquarium生化石2L $95、精製竹碳 $125、過濾棉花 $130/b

生化石應該放於濾水器最低層,其作用是增加消化的細菌使水質保持清澈;中間則放黑色的竹炭,可以除味與顏色;頂層放棉花,可增加氧氣及附生菌,有助分解魚的糞便及剩餘的食物。

Amtra Nitrat Reduct $125/b

有效除去形成青苔的磷酸與硝酸,如果開缸之始即使用,更有預防功效。

鹹水缸之選
GroTech ReefClear1000ml $250/b

老闆推薦除四害之選,一次過消滅魚缸的磷酸、硝酸、重金屬與阿摩尼亞。

查詢電話:

a/長春山有限公司(23019904)
b/水族世界有限公司(34263038)

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載