› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月20日

【面試真人騷】見工黑沉沉悶爆 短裙白褲係大忌

14,067

「唔着嗰套黑色侍應衫,已經贏咗一半。」資深人事顧問、職場專欄作家Alison(人稱Son姐)一句,點出我哋嘅「一擊職中」見工真人騷參加者、應屆畢業生嘉寶的面試穿着問題。

話晒都係應徵Marketing& PR Officer,衣着顏色可以大膽少少嘅,黑沉沉,望落唔精神又悶蛋。禮儀導師及企業形象指導陳靜雯(May)說:「套裝顏色可以有啲改變,卡其色、藍色、灰色都係唔錯選擇,或者鮮色啲嘅top都得。」嘉寶仲犯咗個大忌,就係裙太短,坐低時縮得更短了。「裙應長及膝,或者唔短過膝上三吋,否則可能令面試主管尷尬。」太透太薄嘅恤衫肯定唔適合,宜選挺身質地上衣。至於手袋,簡單大方就夠,太花巧反而搶咗焦點。女仔髮型簡潔清爽為上,如果頭髮太長又遮面,不如乾脆紮起。May建議女仔見工化番個淡妝。唔慣化全妝,唇膏都要搽番少少。至於男仔,穿白色褲見工顯得太休閒。「換上灰、藍或黑色西褲就更穩重同專業,着運動襪一坐低即現形,細節都要留意。」

Son姐建議大家預早半個鐘去到面試地點附近,搵個洗手間執執儀容。「大汗嘅男仔搭車嗰陣可以着T恤,帶件摺都唔皺嘅恤衫去換,就可以清爽見工。」執好個look去見工,同面試官打招呼,都有可能鬧出笑話。Englishtown英語導師Robert提到很多人講:「It's a pleasure to meet you.」時,錯將「pleasure」讀成「pressure」,記緊練習好呀!

記者:葉青霞、羅祖兒

唔知Cover Letter啲英文寫得好唔好?免費幫你執靚佢
http://bit.ly/cv-proofread

對interview冇乜信心?嚟個免費模擬面試啦!
http://bit.ly/freemockinterview寫CV令人頭都大埋?原則係中point、簡潔、整齊,讓人一目了然,很多私人資料都可刪去。

2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載